ઉવસગ્ગ- હરં પાસં,
પાસં વંદામિ કમ્મ-ઘણ-મુક્કં;
વિસહર – વિસ – નિન્નાસં,
મંગલ – કલ્લાણ – આવાસં ||૧||
વિસહર – ફુલિંગ – મંતં,
કંઠે ધારેઈ જો સયા મણુઓ;
તસ્સ ગહ – રોગ – મારી,
દુટ્ઠ જરા જંતિ ઉવસામં ||૨||
If you want to listen click below
ચિટ્ઠ ઉ દૂરે મંતો,
તુજ્ઝ પણામો વિ બહુ – ફલો હોઈ;
નર – તિરિએસુ વિ જીવા,
પાવંતિ ન દુક્ખ – દોગચ્ચં ||૩||
તુહ સમ્મત્તે લદ્ધે,
ચિંતામણી – કપ્પ – પાયવ – બ્ભહિએ;
પાવંતિ અવિગ્ઘેણં,
જીવા અયરામરં ઠાણં ||૪||
ઈઅ સંથુઓ મહાયસ!
ભત્તિબ્ભર – નિબ્ભરેણ હિયએણ;
તા દેવ! દિજ્જ બોહિં,
ભવે ભવે પાસ! જિણચંદ! || ૫ ||